Gaur 3. mailako ikasle boluntarioak JAEDeko (Junta de Ayuda a Enfermos de Durango-Iurreta) egoitzan egon dira lan solidarioa egiten.
Berehala ikasi dute lan prozedura eta ehuneko ehunean ibili dira lanean, gustura eta pozik.
Eskerrik asko parte hartzaileei!!!
Maiztegin Agenda 30 proiektua bultzatu nahi dutela esan zigutenez, Orobiogoitian egiten dugun lana ikustera gonbidatu genituen.
Hemen gure ordezkariek txoko berdea eta ortua erakutsi eta azalpenak eman zizkieten. Ortuan, gainera, aitzurrarekin aritzeko eta lurra ureztatzeko aukera izan zuten. Hangoak eta hemengoak gustura ibili ziren.
Hurrengoan gu joango gatzaizkie!
Astelehenean, ekainak 5, gure ekordezkariok Gasteizko Salburua Parkera joan ginen. Bertan hezegunearekin lotutuako biodibertsitatea behatu genuen. Alde batetetik padura horretan urte osoa pasatzen duten espeziak ikusi genituen; bestetik, hegazti migratzaile batzuk, udaberriarekin Salburuara iritsitakoak. Horrez gain, landareriaren aniztasunari erreparatu genion.
Bukatzeko, Landako pantanoan bainua eta hamarretako ederrak hartu genituen.
Maiatzaren 17an Orobiogoitiako IRAES taldeak Euskadiko Confintean hartu zuen parte. Egun horretan Arabako, Gipuzkoako eta Bizkaiko hainbat ikasle Madariaga dorretxean batu ziren mundu jasangarriago baten alde lan egiteko. Gazteak izan ziren egun horretako protagonista nagusiak; izan ere, tailerrak eta dinamikak eurek gidatu zituzten. Gainera, Naima El Ban Altuna punta-puntako zinetzialari gaztearekin hitz egiteko aukera izan zuten.
Gaur, maiatzak 9, eskola arteko foroa eta udal foroa izan ditugu.
Eskola arteko foroan Maiztegi eta Orobiogoitiako ikasleak batu dira udaletxeari zer eskatu nahi dioten erabakitzeko. Ondoren, Oscar Coca alkate ordeak eta Mikel Pagonabarraga arkitekto teknikoak udaletxean harrera egin, euren eskariak entzun eta udaletxeak egindako lana azaldu diete.
Hemen ez da ezer alferrik galtzen! Guretzat nahi ez duguna, lurraren ongarri! Geruzaz geruza jantokiko hondakin organikoak eta ortuko bedar txarrak nahastu eta hilabete batzuen buruan lurrak bere frutuak emateko balioko digun konposta lortuko dugu. Bizitzaren zikloa ez da eteten!
Badatoz, badatoz! Lurra jorratu, ongarritu, haziak erein eta egin beharreko zaintzak egin eta gero, gure ekordezkariek ortuan egindako lanaren fruituak ikusten hasi gara. Hauek bai gozoak eta janari osasungarriak!
Aurten ere mugikorrak batzeko kanpaina oso arrakastatsua izan da. Honen bitartez oihanean bizi den txinpantze bati bizitza erraztuko diogu. Eta ez hori bakarrik, izan ere, oihana salbatzen laguntzen dugunean, han bertan eta inguruan bizi direnen bizimodua ere laguntzen dugu.
Aurten ere egun berdea ospatu dugu. Eskerrik asko DBH4ko ikasleei, ikasteko eta entretenitzeko ekintzekin jositako goiza prestatu ziguten-eta.
Institutura sartzen zaretenean ez ahaztu txoko berdeari begirada bat botatzen. Zenbat gauza interesgarri dauden!
A zelako taldea batu dogun! Hauen lanari esker gure institutua berdeagoa da eta berarekin Iurreta ere! Gure hurbileko ingurua zainduta lortuko dugu apurka-apurka zabaltzea. Milesker, ekipo!
