EA30eko ekintzak erakusten

 Maiztegin Agenda 30 proiektua bultzatu nahi dutela esan zigutenez, Orobiogoitian egiten dugun lana ikustera gonbidatu genituen.

Hemen gure ordezkariek txoko berdea eta ortua erakutsi eta azalpenak eman zizkieten.  Ortuan, gainera,  aitzurrarekin aritzeko eta lurra ureztatzeko aukera izan zuten.  Hangoak eta hemengoak gustura ibili ziren. 

Hurrengoan gu joango gatzaizkie!

TULIPANEN PROIEKTUA

4. DBHKO IKASLEAK BARATZEAN TULIPANAK LANDATZEN

ORTUA ABENDUAN

 

Atzo ortuan egon ginen lurra eta konposta nahasten eta gure marrubiei konpainia emateko idarrak, kipulinak eta eskarolak landatu ditugu. 

Hurrengo astean kalabazinei haziak aterako dizkiegu

- GURE ORTU BERRIA - IKASLEAK LETXUGAK LANDATZEN

 Ortu ekologikoa aurrera doa! Diseinatutako proiektua martxan jartzen ari gara. Iaz materiala erosi eta Udalaren laguntzaz eremua sarez mugatu egin genuen.

 Aurten 4. DBHko TEKNOLOGIAko ikasleek - Mikelen gidaritzapean- orturako diseinatutako ortu-egirura montatu egin dute.

Orain, udaberriaz, lehenengo letxugak landatu dituzte DBHko ikasleek.

Ortu berria

Eguraldia ona aprobetxatzen ortu berrirako prestaketa lanak martxan daude, usain belarren baratzaren zaintza lanak ahaztu gabe.

Ekaineko lanak gure ikastetxean - 3.DBH

Badator uda eta eguraldi eder honekin sasoi ederra dugu hainbat hobetze lanak egiteko gure ikastetxe inguruan.
3. DBHko talde bat usain belarren zainketaz arduratu dira; beste ikasle batzuk landare igokariak, huntzak, landatu dituzte gure ikastetxeko  DBHKO eraikinaren mendebaldeko ertzean - aurretik jarritakoak moztuak izan dira eta, belarra mozten etorri diren langileak konturatu gabe...-

USAIN BELARRAK landatzen

INGURUMEN TAILLERrean azken ostiralean  USAIN BELARRAK landatu ditugu gure ikastetxean.

Oso lorategi polita geratu zaigu.

Landatutako espezieak ondorengoak dira:
- 2 izpiliku (lavanda) (Lavandula angustifolia)
- 2 ezkai ( tomillo) (Thymus vulgaris)
- 1 oregano (Helychrisum italicum)
- 1 erromero (Rosmarinus prostatus)
- 1 menda (menta) (Menta sativa) 

NEGUKO UZTA

Gaur, neguan landutako uzta jaso dugu: porruak eta eskarolak.
Asteburu honetan INGURUMEN TAILERrekoek porrusalda goxo goxoa jango dute!!!

ON EGIN!!!

URTE BERRIKO LEHENENGO LANAK NGURUMEN TAILERREAN

Gaur ingurumen tailerrean hainbat gauza egin ditugu.

Lehenengo, ortura joan gara. Sorpresa itzela hartu dugu, gure landareak asko hasi direla ikusi dugunean. Belar txarrak kendu ditugu. (ORTUKO ARGAZKIAK)

Gero, txorientzako janaria institutuko zuhaitz batean eskegi dugu. Horrela, pasatzen diren txoriak, jateko aukera iango dute!! (ARGAZKIAK TXORIEN JANARIA)

Azkenik, kalendula krema prestatzeko mazerazioa prestatu dugu. Pote batean, kalendula landare ziku herena jarri dugu eta almendra oliozko bi heren. Hor utziko dgu 40  egun eta 40 gauz.(ARGAZKIA MAZERAZIOA)

NEGUKO UZTA

TOMATE HAZIAK GORDETZEN

2018-10-19

Eguraldi txarra egiten duenean, penaz… baina institutuan gelditu behar gara ortura joan gabe. 

Egun hauek bestelako lanak egiteko aprobetatzen ditugu, adibidez, tomate haziak atera eta datorren udaberrirako gordetzeko! Primerako lana egin dugu!

ORTUA GARBITZEN - urriak 5

Urriaren 5ean, oso gogotsu joan ginen gure ortua garbitzera, sastraka eta belar txar asko zeuden eta hauek pilatu genituen. Lurra oso ziku dago, aspaldi ez duelako euririk egin.
Tomate eta piper landarak beste leku batean pilatu genituen, hauek ongarri bezala berrerabiltzeko erabiliko dituztelako.
Ortua garbi garbi utzi genuen, ortuko arduradunak makina pasatu ahal izateko. 

INGURUMEN TAILERRA 2018-2019: ORTUA

Aurten ortuaz arduratuko garenak, Ibai, Andoni, Abdu, Iskander, Yamel, Igor, Manex, Txaber, Hamsa eta Madai  gara.
Irailaren 21ean ortura joan ginen eta oso egoera txarrean zegoela konturatu ginen. Lurra oso ziku eta belar txarrez beteta.
Hemendik ekainerarte, saiatuko gara ortua txukuntzen. Ostiral gehienetan bertan lan egingo dugu.

MAIATZAKO LANAK ORTUAN

2018-05-04
Azkenean ere! Angelek (arduraduna) rotabatorra gure solora ekarri zuen, lehenengo berak pasatu zuen eta aldi berean geuri zelan egin erakutsi zigun. Palaz ere egon ginen lanean baina batez ere Angelen laguntzaz eta rotabatorraz erraz utzi genuen lurra landatzeko prest. Negutegiko lanak astero egin behar direnez, han egon ginen landareak ureztatzen eta zaintzen. 

2018-05-11 / 18 / 25
Lurrean kompost ekologikoa bota eta gero Leizurik eta Julenek eskubara pasatuz ortua txukun txukun utzi zuten. Jarraian Unaik, Julenen laguntzaz, eta soka txiki batez ilarak markatu eta ildo-bizkarrak egin zituen. Bitartean Aimar Etxenagusiak ortu bazterrean zebilen bedar txarrak kentzen eta sardaz eta karretilaz izkina batera eroaten. Ondoko ortuko gizonak rotabatorraz ondo landu barik zegoen ortu zatitxu bat pasatu zuen. Unaien laguntzaz, Julenek, Tiagok eta Aimar Unzuetak tomateak, piperrak eta letxugak (Mungiako plazan erosiak) landatu zituzten hurrenez hurren. Amaitzeko Aimar Yurrebasok tresna guztiak garbitu zituen. Eskerrak ere gure argazkilariari, Aingeru.

APIRILAKO LANAK ORTUAN

APIRILAK
2018-04-13

Aste Santua pasa eta gero mintegi txiki bat egin genuen gure ortuko negutegian. Piper haziak erein genituen eta ureztatu ere egin genuen. Bigarren orduan ortu erdia palatu genuen. Bukaeran ia gehienok, botak eta tresnak (atxurrak, atxurtxuak, palak) garbitu genituen.

2018-04-20

Nahiz eta eguraldi txarra izan, ortura joan ginen. Negutegian ereindako piperrak ureztatu egin behar ziren eta.  Landu barik zegoen soloko beste erdia palatu egin genuen. Batzuek aldagelan garbiketa sakona egin genuen. Instalazioak erraztatu, botak eta tresnak garbitu eta ahalik eta gehien txukundu.

2018-04-27
Ondoko ortukoak garbiketa egiteagatik ezkerrak eman zizkigun. Mintegiko piperrak ureztatu eta egondako bedar txarrak kendu genituen. Eta betiko moduan amaieran dana garbi eta txukun utzi genuen.

Martxo bukaerako lanak ortuan

2018-03-16
Gaur goizean ortuan lurzorua palaz lantzen ibili gara eta negutegian piperrak erein eta ureztatu egin ditugu eta ezkur pare bat ere bai.

2018-03-23
Gaur ereindako haziak berriz ureztatu ditugu eta palaz eta atxurrez lanean jarraitzen dugu. Oxelek, Aimarrek eta beste batzuek porruak garbitu eta etxera eraman dituzte.

ORTUA MARTXOAK 9

2018-3-09

Gaur goizean ortua lantzen ibili gara. Bedar txar asko atxurrez kendu dugu eta konposta egiteko erabili dugu. Ortuko txoko batean piperrak landatuko ditugu. Bi era ezberdinetan egingo dugu. Bata mikrorganismoak dauden geruza apurtu gabe (kartoiak edo lastoak estalirik bedarra hazten ez uzteko) eta bestea betiko moduan lurra palaz eta atxurrez lantzen.

ORTUA ABENDUAN

2017-12-15

Gaur goizean eguraldi txarra egon arren ortura joan gara aspaldiko partez. Lehenengo piper gorriak batu ditugu baina batzuk egoera txarrean egon direnez konposta egiteko lurrean itxi ditugu. Ondoren romaneskuak burua eginda ikusi ditugunez hartu eta poltsa batean eraman ditugu. Gero azalore  asko alferrik galduta egon dira eta bat bakarrik hartu dugu. Euria izan da eta ezin izan dugu beste lanik egin. Batutako gauzak eskolara eraman ditugu eta hor denen artean banatu. 

ortua 17/11/02

Gaur ingurumen tailerreko batzuk ortura joan gara eta egin duguna hau izan da: 

Lehenengo piper gorriak eta letxugak batu ditugu. Sukarrietatik ekarritako letxuga ere ederra dagoela ikusi dugu eta moztu egin dugu. Espinaka landarea oraindik txiki dago. 

Gero brokoli guztiak handituta zeudela konturatu gara eta kutxiloarekin moztu eta jaso ditugu. Azelga batzuk batzen egon garenean orri batzuk ia ustelduta egon dira eta  ondoko landan egon diren  behiei   eman dizkiegu. 

Batutako gauzak gelara eraman ditugu eta gure artean banatu ditugu etxera eraman eta jateko.

URRIAK 10 : ORTUKO LANAK

2017-10-20

Gaur ingurumen tailerreko batzuk ortura joan gara eta egin duguna hau izan da: Lehenengo piper gorriak, Kalendula loreak, letxugak eta kalabazina batu ditugu. Tomate mastrak sikatuta egon dira eta kendu egin ditugu.  Artazi eta kutxillo batekin moztu ditugu makiletara lotuta zeuden sokak eta gero mastra sikuak konposta egiteko tokian utzi ditugu. Beste batzuk aitzurrarekin egon dira belarrak kentzen.

Amaieran iturrian garbitu ditugu aitzurrak eta botak. Gero erratzarekin zikin guztia batu dugu eta dena gorde ondoren, hartu ditugun gauzak poltsa batean sartu eta institutura bueltatu gara.

Klasean ortuko lanen jarraipena egin dugu:

Ortutik ekarritako piperrak garbitu eta kordatu egin ditugu.

Pasadan egunean bildutako tomate bati haziak kendu eta sikatzen utzi ditugu udaberrian ereiteko.