Jobloga21

2014(e)ko urriaren 11(a), larunbata

PIPERRAR eta INDABAK BATZEN

Astelehenean, urriaren 6an, ortura joan ginen eta piperrak eta indabak jaso genituen.

2014(e)ko irailaren 30(a), asteartea

Tomate haziak gordetzen

Udako azken tomateen haziak banandu eta sikatzen jarri ditugu, datorren urtean beren fruitu ederrak eman ditzaten.
Gainera, kipulak txortatzen ikasi dugu. Zelako txorta politak!!

2014(e)ko irailaren 19(a), ostirala

Ingurumen tailerreko ikasleen lehenengo bisita ortura

Gure ortua eta sasoiko produktuak ezagutu eta heldutako tomateak batu ditugu.

2014(e)ko abuztuaren 20(a), asteazkena

Gure ortua udan

Gure ortuko tomateak gorritzen hasi dira. Piperrak ere jateko modukoak daude. Kipulak ateratzeko Ilargiari begira gaude. Negurako porruak ere martxan daude.

2014(e)ko ekainaren 18(a), asteazkena

Zugastieta-Peñas Negras

2. Ako ikasleak Zugastietara joan ginen pasadan ekainaren 9an. Han, liburuxka bat eman ziguten bisitaldian zehar betetzeko.

Hasieran, denok batera itsasoa eta itsas ondoko herriak ikusten ziren lekura joan ginen, bi taldetan banatzeko. Zugastietako paisaia eta itsas ertzekoa konparatu genituen: kutsadura maila, populazioa…

Gero, historia pixka bat eta Zugastietako meategien jatorria azaldu zizkigun gidak. Meategiaren zulora jaitsi ginen eta bertako paisaiaren azterketa egin genuen.

Ondoren, lakua burdin hondakinak botatzeko erabiltzen zela eta bertan bainatzea arriskutsua zela ohartarazi zigun. Haitzetan zeuden fosil batzuk ikusi ostean kobazulo artifizial batera sartu ginen.

Meatzearekin amaitzeko mineral motak eta bakoitzaren burdin ehunekoa eta beste laku bat, Ostion lakua, erakutsi zizkiguten gidek.

Azkenik, La Arboleda auzoa ikusi genuen eta meatzea zegoen garaian nolako zen kontatu ziguten: egurrezko etxeak, biztanleria…

Oso ondo pasa genuen bisitaldian eta paisaia bitxi eta polit haren jatorria ikasi genuen era errazago batean.

2014(e)ko ekainaren 6(a), ostirala

Eskola jasangarriaren izendapena berritu digute

Ikasturte honetan izan dugun ikuskaritzaren balorazioa positiboa izan da, eta honen ondorioz beste hiru urterako berriztu digute Eskola Jasangarriaren izendapena.
ZORIONAK ETA ESKERRIK ASKO honen alde lan egin duzuen guztioi.

EA21eko koordinatzaileak

Orobiogoitia eskola jasangarria

Publish at Calameo or read more publications.

2014(e)ko ekainaren 4(a), asteazkena

Confinteroak Lehendakariarekin

Ekainaren 3an Lehendakariak eta bere Gobernu Batzordeak harrera egin zieten Bartzelonako Estatu mailako Confintean parte hartuko duten ikasle ordezkariei. Ordezkaritza honen barruan gure ikastetxeko 3 ikasle egon ziren: Ane Unzalu, Iker Blanco eta Emma Villena.
Harrera ekitaldi hau Busturian, Madariaga Dorretxean, izan zen. Bertan ordezkariek Confint prozesuari buruzko azalpenak eta Bartzelonara eramango diren akordioak aurkeztu zizkieten Gobernu Batzordeari.
Hauek dira bertan ateratako argazki batzuk.