ESKOLEN ARTEKO eta UDAL FOROA

Maiatzaren 15ean Udal Foroan parte hartu zuten gure ikastetxeko ikasle ordezkariek Maiztegikoekin batera.  Udal foroa herriko ikastetxeetako eta Udaleko ordezkarien arteko bilkura da, eta bertan aukera izaten dugu beste gauza batzuen artean gure eskakizunak aurkezteko.

Aurretik, Eskolen arteko Foroa izan genuen. Bertan Maiztegi Eskola, Zaldibarko Eskola, Berrizko Institutua eta Juan Orobiogoitiako Eskola Agenda 21eko ikasle ordezkari batzuk elkartu ginen, ORTZADARreko aholkulariaren laguntzaz, konpromisoak eta proposamenak adosteko.

Aurten "EKONOMIA ZIRKULARRERANTZ pausuak ematen” gaia lantzen ari gara.

Hemen UDAL FOROAN AZALDUTAKOA:

•  EKONOMIA ZIRKULARRERANTZ PAUSUAK EMATEN. Konpromisoak eta proposamenak

• ARGAZKIAK ESKOLEN ARTEKO FOROA

• ARGAZKIAK UDAL BILKURA

ESKOLA CONFINT 2018

Apirilaren 24an,  3. DBHko  ikasle taldeak antolatuta (mila esker Jokin, Elene, Laia, Gorka, Elene, Maider, Nerea, Ane eta Iman) 2018ko ESKOLA CONFINTa ospatu dugu ikastexean. Konferentzian 3. DBHko ikasleek parte hartu dute eta, bertan, Maiatzaren 9an  Busturiako Euskal Confintera joateko ordezkariak hautatu dira: LAIA GURRUTXAGA, EIDER UNDA eta ELENE URIGOITIA.

G

AURKEZPENA

Aurtengo gai nagusiak uztartzen ditu ALDAKETA KLIMATIKOA eta EMAKUMEEN BAZTERKETA. Horren inguruan Anak bere koinata den emakume zientzilariaren bideo xume bat grabatu du. 
IRATXE ZARRAONANDIA (iKERBASKEko Genetikako ikertzailea)

EDUKIONTZIAK

Ingurumen tailerrekoak hondakinen edukiontzien inguruan egindako lana

Leer más publicaciones en Calaméo

Martxo bukaerako lanak ortuan

2018-03-16
Gaur goizean ortuan lurzorua palaz lantzen ibili gara eta negutegian piperrak erein eta ureztatu egin ditugu eta ezkur pare bat ere bai.

2018-03-23
Gaur ereindako haziak berriz ureztatu ditugu eta palaz eta atxurrez lanean jarraitzen dugu. Oxelek, Aimarrek eta beste batzuek porruak garbitu eta etxera eraman dituzte.

ORTUA MARTXOAK 9

2018-3-09

Gaur goizean ortua lantzen ibili gara. Bedar txar asko atxurrez kendu dugu eta konposta egiteko erabili dugu. Ortuko txoko batean piperrak landatuko ditugu. Bi era ezberdinetan egingo dugu. Bata mikrorganismoak dauden geruza apurtu gabe (kartoiak edo lastoak estalirik bedarra hazten ez uzteko) eta bestea betiko moduan lurra palaz eta atxurrez lantzen.

EKOKONTSUMITZAILE TAILERRA

Martoaren 16an, ostiralean, ekordezkariek EKOKONTSUMITZAILE tailerra izan dute  ORTZADAR taldeko hezitzaile baten gidaritzapean.

EKONOMIA ZIRKULARraren inguruko formazio saioa izan dute lehenengo orduan: ikusentzunezko baliabideak erabili ondoren,   guztion arteko elkarrizketa eta eztabaida  zabaldu da.

Ondoren, kalera joan gara herritarrei inkesta egitera
Jasotako  erantzunen laburpen gisa:

- Gehienek ez dakite  zer den EKONOMIA ZIRKULARRA.
- Erositako produktuaren jatorriari gutzitan erreparatzen diote.
- Ez dute erosten 2. eskuko dendetan.

-KOOPERA edukiontzia ezagutu eta erabiltzen dute.
- Hala ere, ez dakite ondo zer bota ahal den.

- Orokorrean, hondakin mota gehienak bereizten dituzte
- Ontzi ezberdinak ezagutzen dituzte
- Konsziente dira hondakin kopurua murriztu egin behar dela.
- Hala ere, ez dute ezer egiten hondakinak murrizteko ( ez dute ondo erantzuten galderari  " Zerbait egiten duzu sortzen duzun hondakin kopurua murrizteko?").

Bukatzeko, dendak bisitatu eta bertan saltzen diren produktuak aztertu ditugu.
- Plastiko asko erabiltzen da (ontziak, poltsak)
- Dena ez da birziklatzen
- Produktu asko ez dira bertokoak eta bai urrunekoak.

TE POLTSEN ESPERIMENTUA

Aurten LUR eta INGURUMEN ZIENTZIEtako ikasleak Estatu eta  Europa mailako ikerkuntza proiektu batean partaideak izan dira. TE POLTSEN ESPERIMENTUA bezala izendatuko dugu, eta honetan datza hain zuzen: te mota ezberdineko poltsak lurperatu ditugu basoan, batzuk ongarria gehituta, eta 100 egun igaro ondoren, atera, sikatu eta pisatu egin ditugu laborategian, horrela materia organikoaren deskonposaketa abiadura aztertzeko baldintza ezberdinetan eta gai ezberdinetan.

• EMAITZAK

Emaitzak Bartzelonara bidali ditugu, non ikerketa honen buruek informazioa bildu estatuko beste hainbat ekosistema ezberdinetako emaitzekin batera, eta ondorioak atera eta interpretatzeko gai izango dira. Horren zai gelditzen gara.

Hemen argazki batzuk